SCHOOL OF MEDICINE
SCHOOL OF MEDICINE
Nazarbayev University (NU) – Орталық Азиядағы жетекші жоғары оқу орны, әлемдік деңгейдегі ғылыми-зерттеу университеті ретінде мойындалуға ұмтылатын флагманды университет. Еуразия жүрегінде, Қазақстан астанасы – Астана қаласында орналасқан NU-дің басты ерекшелігі – меритократия қағидаттарына негізделген қабылдау жүйесі, мұнда студенттер алғашқы күннен бастап профессорлардың жетекшілігімен білім алып, ғылыми зерттеулерге қатысады. NU – бұл жай ғана жаңа оқу орны емес, бұл – жаһандану мен технологиялық прогресс дәуірінде түлектерді даярлауға бағытталған университет.
NU-да бакалавриат және магистратура бағдарламаларын ұсынатын сегіз мектеп бар: Инженерия және цифрлық ғылымдар мектебі; Жаратылыстану, әлеуметтік және гуманитарлық ғылымдар мектебі; Медицина мектебі; Тау-кен ісі және жер туралы ғылымдар мектебі; Жоғары бизнес мектебі; Жоғары білім беру мектебі; Жоғары мемлекеттік саясат мектебі; Дайындық мектебі.
Назарбаев Университетінің барлық мектептері әлемнің жетекші жоғары оқу орындары, ғылыми-зерттеу институттары және зертханаларымен стратегиялық әріптестікте жұмыс істейді. Олардың қатарында: Колорадо тау-кен ісі мектебі (АҚШ), Дьюк университеті (АҚШ), Сингапур Ұлттық университеті, Кембридж университеті (Ұлыбритания), Пенсильвания университеті (АҚШ), Питтсбург университетінің медициналық орталығы (АҚШ), Висконсин-Мэдисон университеті (АҚШ).
Nazarbayev University өзінің академиялық озықтығын халықаралық деңгейде дәлелдейтін маңызды жетістіктерге қол жеткізді. Times Higher Education (THE) World University Rankings 2025 рейтингінің 2024 жылғы 9-шы қазанда жарияланған деректеріне сәйкес, NU әлемнің ең үздік зерттеу университеттерінің 24–29%-ының қатарына енді. Бұл рейтингте 115 елден 2092 жоғары оқу орны бағаланып, NU 501–600 орындар аралығында орналасты. Бұл нәтиже тек Қазақстан ғана емес, бүкіл Орталық Азия университеттері арасындағы ең жоғары көрсеткіш болып табылады.
NU өз беделін одан әрі нығайта отырып, алғаш рет THE Young University Rankings 2024 рейтингіне енді. Бұл рейтингте 79 елден 673 университет бағаланып, NU 106-шы орынға ие болды. Сонымен қатар, университет THE Asia University Rankings 2024 рейтингінде де бар, онда NU 739 университет арасында 129-шы орынды иеленді. THE World University Rankings by Subject 2024 рейтингінде NU 22 пән бойынша тізімге енді, бұл университеттің академиялық бағдарламаларының кең ауқымдылығы мен сапасын көрсетеді. Бұған қоса, Shanghai Ranking әзірлеген Global Ranking of Academic Subjects 2023 рейтингінде NU-дің екі бағыты – телекоммуникациялық инженерия және электротехника мен компьютерлік инженерия – үздік пәндер қатарына кірді.
Nazarbayev University құрылуы
2006 жылы Қазақстан Республикасының Тұңғыш Президенті Нұрсұлтан Назарбаев халықаралық деңгейде танылатын университет құру идеясын ұсынды. 2009 жылғы 25 қыркүйекте ҚР Білім және ғылым министрлігінің бұйрығымен Аслан Сәрінжіпов «Астананың жаңа университеті» АҚ президенті болып тағайындалды (қазіргі Nazarbayev University). 2010 жылғы 28 қарашада ол Премьер-Министр кеңсесінің шешімімен Атқарушы кеңестің төрағасы қызметіне бекітілді. Кейінірек, 2011 жылғы 16 маусымда Nazarbayev University ДББҰ Жоғарғы Қамқоршылық Кеңесінің шешімімен Шигео Кацу университет президенті болып тағайындалды.
2010 жылғы 28 маусымда Назарбаев Университетінің ресми ашылу салтанаты өтті. Осы сәттен бастап университет өз қызметін бастады және еліміздің жетекші академиялық мекемесіне айналды. NU – автономия және академиялық еркіндік қағидаттарына негізделген Қазақстандағы алғашқы университет. Университеттің автономиялық мәртебесі 2011 жылғы 19 қаңтарда қабылданған «Nazarbayev University», «Назарбаев Зияткерлік мектептері» және «Назарбаев Қоры» мәртебесі туралы» Қазақстан Республикасының Заңымен бекітілді.
2015 жылғы 15 маусымда Nazarbayev University алғашқы бітіру рәсімі өтті. Осы тарихи күні 446 студент бакалавриат пен магистратура бағдарламаларын аяқтап, дипломдарын алды.
- ПайымдауыҚазақстанға және әлемге олардың дамып, өркендеуіне қажетті ғалымдар мен мамандарды, жетекшілер мен кәсіпкерлерді дайындау
- МиссиясыҚазақстанда жоғары білім мен ғылым жүйесінде реформалар жүргізу моделі болып, Астананың инновациялар мен білімнің халықаралық орталығы ретінде қалыптасуына үлес қосу және студенттерді тұрақсыздық, белгісіздік, кешендік және көпмәнділігі ұлғайған өмірге дайындау.
Стратегиялық мақсаттар
-
Қазақстандағы білім беру жүйесін реформалаудағы көшбасшылық
Назарбаев Университетінің тәжірибесін қазақстандық жоғары оқу орындары мен зерттеу орталықтарына беруді қамтамасыз ету -
Академиялық көшбасшылық
Академиялық көшбасшылықты дамыту және қолдау арқылы Назарбаев Университетінің миссиясына қол жеткізу -
Ғылыми көшбасшылық
Әлемнің үздік ғалымдарымен және зерттеу орталықтарымен әріптестікте әлемдік деңгейдегі ғылыми зерттеулер жүйесін қалыптастыру -
Денсаулық сақтаудың интеграцияланған академиялық жүйесінің моделін құру
Қазақстанның денсаулық сақтау саласында қызмет көрсету моделі ретінде Назарбаев Университетінің денсаулық сақтау жүйесін құру -
Инновациялар және ғылымды өндіріске енгізу
Қазақстандағы инновациялардың негізгі қозғаушы күші болу және Астананың өңірлік инновациялар орталығының қалыптасуы үшін негіз жасау
Жаһандық әріптестік
Мұндай әріптестік қатынастар мен қауымдастықтар, студенттерімізге, оқытушыларымызға, зерттеушілерге және қызметкерлерімізге тұрақсыз, белгісіздік, күрделі және түсініксіз кезеңде жетістікке жетуге және әлеуеттерін толық ашуға мүмкіндік бере отырып, университет қоғамдастығы үшін бірегей жаһандық мүмкіндіктер ашады.
- 6100+Халықаралық жарияланым
- 13,7%NU-дың басылымдары әлемнің дәйексөз жарияланымдарының 10%-ына кіреді
- 270Ғылыми және оқу зертханалары
- 1200+Студенттердің жарияланымдары
Ғылыми орталықтардың ашылуы – Энергетикалық зерттеулер орталығы және Өмір туралы ғылымдар орталығы.
2011 жылғы 19 қаңтарда «Назарбаев Университеті», «Назарбаев Зияткерлік мектептері» және «Назарбаев Қоры» мәртебесі туралы заңның қабылдануы Басқарушы Кеңесті құруға негіз болды.
Медицина саласындағы алғашқы ғылыми конференция
Жоғары қамқоршылық кеңестің Назарбаев Университетінің 2013- 2020 жылдарға арналған стратегиясын бекітуі.
Университеттің институционалдық өзін-өзі бағалаудың басталуы.
Жоғары мемлекеттік саясат мектебінде PhD бағдарламасының ашылуы.
Магистратура бағдарламасының дайындық жылының ашылуы.
Жоғары қамқоршылық кеңестің Назарбаев Университетінің 2018- 2030 жылдарға арналған стратегиясын бекіту.
Медицина докторы бағдарламасының алғашқы түлектерінің бітіруі.
Инженерия және цифрлық ғылымдар мектебі және Жаратылыстану, әлеуметтік және және гуманитарлық ғылымдар мектебі етіп қайта құру
НУ студенттері электрохимиялық материалтану бойынша халықаралық олимпиаданың жеңімпаздары атанды
2022 жылдың 3 қарашасында жарияланған деректерге сәйкес, Назарбаев Университетінің (NU) ғалымдары 2021 жылы өз салаларындағы жарияланымдарының ықпалы бойынша әлемдегі ең үздік 2% ғалымдардың қатарына енді.
AUA 2023 саммитін өткізу
Азия-Тынық мұхиты мансаптық даму қауымдастығының (APCDA) гибридті конференциясын өткізу