Эндокринология саласындағы резидентура бағдарламасы

НУММ эндокринология саласындағы резидентура бағдарламасы эндокринология саласындағы тереңдетілген мамандануы бар жалпы практика дәрігерлерін даярлауға бағытталған.Бағдарлама резиденттерді кең таралған және күрделі эндокриндік ауруларды жүргізуге дайындайды, сондай-ақ академиялық және ғылыми қызметке қатысу үшін қажетті білім мен дағдыны қамтамасыз етеді.

Оқу жоспары ACGME негізгі құзыреттеріне сәйкес келеді және жалпы ішкі медицинамен және эндокринологиямен байланысты әртүрлі жағдайларда клиникалық даярлықты көздейді. Резиденттер стационарлық, сол сияқты амбулаториялық клиникалық қызметтерде жұмыс тәжірибесін алады, сондай-ақ клиникалық практикаға да, трансляциялық ғылыми зерттеулерге де қатыса алады.

Эндокринология саласындағы резидентура бағдарламасының мақсаттары мынаны білдіреді:

• Резиденттерді ACGME-нің эндокринология саласындағы негізгі алты құзыретіне сәйкес оқыту (Пациенттердің күтімі және процедуралық дағдылар, медициналық білім, практика негізінде оқыту және жетілдіру, тұлғааралық қарым-қатынас дағдысы, кәсібилік, жүйелік практика);
• ДМ түлектерін клиникалық және ғылыми қызметте білімі мен дағдысын қолдануға қабілетті эндокринология саласындағы білікті дәрігер және маман болуға дайындау;
• Қазақстан халқының, оның iшiнде ауылдық және қалалық жерлердегi қазiргi заманғы қажеттiлiктерiне жауап беретiн эндокринолог мамандарды даярлау.

Клиникалық оқу жоспары ACGME эндокринология саласындағы резидентура бағдарламасының талаптарына негізделген және ACGME құзыретіне және жоғарыда сипатталған негізгі кезеңдерге сәйкес келеді.

PGY-1

Интерндер пациенттердің күтіміне, оның ішінде жағдайын бағалауға, диагноз қоюға, емдеуді жоспарлауға және бақылаудағы емшараларды жүргізуге белсенді қатысады. Міндеттеріне тағайындаулар жазып беру және студенттерді оқыту кіреді.

Ротациялар мынаны қамтиды:

• Жалпы ішкі медицина (2 ай)
• Неврология (2 ай)
• Пульмонология (2 ай)
• Қарқынды терапия (1 ай)
• Шұғыл медициналық көмек (2 ай)
• Шұғыл жағдайларда және медициналық көмек көрсету орнында ультрадыбыстық зерттеу (2 ай)

PGY-2

Резиденттер өзіне интерндер мен студенттердi бақылау бойынша мiндеттердi алады, пациенттердi басқаруға, инвазиялық процедураларды орындауға және ауруханада медициналық құжаттаманы жүргiзуге көмектеседi. Ротациялар мынаны қамтиды:

• Жалпы ішкі медицина (нефрология, ревматология, гастроэнтерология, эндокринология, пульмонология, кардиология) (барлығы 6 ай)
• Кардиология (2 ай)
• Ревматология (2 ай)
• Элективті клиникалық ротация (1 ай)

PGY-3

Аға резиденттер өздерінің супервайзер және оқыту дағдысын жетілдіреді, сондай-ақ тар мамандықтар мен зерттеу қызметінде тәжірибе жинақтайды. Ротациялар мынаны қамтиды:

• Эндокринология (2 ай)
• Гематология (1 ай)
• Гастроэнтерология (гепатобилиарлық жүйе және гепатология) (2 ай)
• Нефрология және гемодиализ (2 ай)
• Амбулаториялық медицина (1 ай)
• Элективті клиникалық ротация (3 ай)

PGY-4 және PGY-ғ жылдар эндокринологияны оқытуға шоғырланған

НУММ-да ішкі медицина саласында 3 жыл резидентураны аяқтаған резиденттер эндокринология бойынша оқуын жалғастыра алады.

PGY-4

• Клиникалық эндокринология (стационар және амбулатория) - 5 ай
• 1-типті қант диабетін емдеу - 4 ай
• Қалқанша безінің аурулары - 1 ай
• Қарқынды терапия бөлімшесі - 1 ай
• Электив (эндокриндік визуалдау) - 1 ай

PGY-5

• Клиникалық эндокринология (стационар және амбулатория) - 5 ай
• Қант диабетінің асқынулары - 4 ай
• Гипоталамус/гипофиз - 1 ай
• Электив (эндокриндік генетикалық аурулар) - 1 ай

Оқыту барысында резиденттер жалпы ішкі медицина мен эндокринологияның әртүрлі стационарлық және амбулаториялық клиникалары бойынша ротациядан өтеді. Барлық клиникалық сабақтар мына ауруханалар мен орталықтарда өтетін болады:

Эндокринология саласындағы резидентура бағдарламасының соңына қарай резиденттер эндокринология саласындағы ACGME кезеңдеріне сәйкес нысаналы құзыретті игеруін көрсетуге тиіс, атап айтқанда:

1. Пациенттердің күтімі және емшара дағдысы

Резиденттер:

• денсаулықты нығайту, аурулардың алдын алу, пациенттерді диагностикалау және өмірдің барлық кезеңінде - жасөспірім жастан бастап егде жасқа дейін емдеу жөніндегі іс-шараларды жүзеге асыру;
• қызметтерді тікелей жеткізушінің, команда мүшесінің, консультанттың және оқытушының функцияларын орындауды қоса алғанда, денсаулық сақтау жүйесіндегі әртүрлі лауазымдарда біліктілікті көрсету.
• пациенттерді әртүрлі жағдайларда - стационарларда, қарқынды терапия бөлімшелерінде және амбулаториялық клиникаларда жүргізуді жүзеге асыру;
• гормондық талдауларды, визуалдайтын және радиологиялық зерттеулерді қоса алғанда, диагностикалық тесттерді орындау және түсіндіру;
• қауіпсіз, тиімді, уақытында және экономикалық негізделген емдеуді қамтамасыз ету үшін популяциялық зерттеулер мен сыни ойлау деректерін қолданып, дәлелді медицина негізінде көмек көрсету;
• қант диабеті, остеопороз, қалқанша безінің аурулары, сондай-ақ кальций мен сүйек тінінің алмасуының бұзылуы сияқты күрделі эндокриндік аурулары бар пациенттерді сүйемелдеу.

2. Медициналық білім

Резиденттер мына салаларда терең білімін көрсетуге тиіс:

• ғылыми әдіс және дәлелді медицина негізінде шешімдер қабылдау;
• гормондық талдаулар мен визуализациялау әдістерін қоса алғанда, диагностикалық және емдік процедураларды орындау көрсеткіштері, қарсы айғақтары мен әдістемелері;
• эндокринология және диабетология контексіндегі биомедициналық, клиникалық, эпидемиологиялық және әлеуметтік-мінез-құлық ғылымдары;
• қант диабетін, қалқанша безінің патологиясын және сүйек тінінің метаболикалық ауруларын қоса алғанда, негізгі эндокриндік аурулар;
• патогенез, эпидемиология және эндокриндік бұзылулар генетикасы.

3. Практика негізінде оқыту және жетілдіру

Резиденттер:

• өз білімі мен іскерлігінің күшті және әлсіз жақтарын анықтау.
• оқу мақсаттарын қойып, өзін дамытумен тұрақты жұмыс істеу.
• Пациенттердің күтіміне ғылыми зерттеулерден алынған дәлелдемелерді бағалау және енгізу.

4. Тұлғааралық қарым-қатынас дағдысы

Резиденттер:

• пациенттермен, олардың отбасымен, медициналық командалармен және басқа да мамандармен тиімді қарым-қатынас жасау.
• нақты, дәл және уақытында ақпарат алмасуды қамтамасыз ете отырып, медициналық командалардың құрамында жұмыс істеу және басқару.
• толық және түсінікті медициналық құжаттаманы жүргізу.

5. Кәсіпқойлық

Резиденттер:

• мейірімділік, адалдық және басқаны құрметтеу.
• жынысын, мәдениетін, нәсілін және мүгедектігін қоса алғанда, пациенттердің әртүрлілігіне сезімталдық.
• пациенттер, қоғам және кәсіп алдындағы жауапкершілік.

6. Жүйелік тәжірибе

Резиденттер:

• денсаулық сақтаудың түрлі жағдайлары мен жүйелерінде тиімді жұмыс істеу.
• пациенттерге күтім жасауды үйлестіру және сапалы және қауіпсіз медициналық көмекті қолдау.
• емдеу нәтижелерін жақсарту үшін пәнаралық командалармен ынтымақтасу.
• жүйелік қателерді тану және шешімдерді енгізу.

Эндокринология саласындағы резидентура бағдарламасы аяқталғаннан кейін білім алушылар жоғары кәсіби дағдыға ие болады, оларға:

• клиникалық практикада - ауруханаларда, эндокринологиялық клиникаларда және амбулаториялық орталықтарда;
• эндокринологияны, диабетологияны дамытуға және метаболикалық бұзылуларды зерттеуге үлес қоса отырып, академиялық және ғылыми-зерттеу институттарында;
• эндокринологиялық бөлімшелерге және пациенттердің күтімі бойынша қызметтерге басшылықты жүзеге асыра отырып денсаулық сақтау жүйесіндегі басшылық лауазымдарда.

Оқуға түсудің екі түрі бар: Шартсыз түрде оқуға алу және шартты түрде оқуға алу

Қазақстан Республикасының азаматтары мен шетелдік үміткерлер үшін резидентура бағдарламалаcына онлайн өтінім беру мерзімі 2025 жылғы 16 мамырды қоса алғанда (14:00 Астана уақыты бойынша).

Барлық ұсынылған құжаттар ағылшын тілінде немесе нотариалдық куәландырылған ағылшын тіліндегі аудармасымен болуы тиіс:

Резидентура бағдарламасының ақысы барлық студенттер үшін 2025/2026 оқу жылына $11 200 (5 723 200 теңге) құрайды.

Оқу ақысы туралы толығырақ білу үшін bursars_office@nu.edu.kz электрондық поштасы арқылы хабарласыңыз.

Оқуға түсудің екі түрі бар: Шартсыз түрде оқуға алу және шартты түрде оқуға алу

Қазақстан Республикасының азаматтары мен шетелдік үміткерлер үшін резидентура бағдарламалаcына онлайн өтінім беру мерзімі 2025 жылғы 16 мамырды қоса алғанда (14:00 Астана уақыты бойынша).

Барлық ұсынылған құжаттар ағылшын тілінде немесе нотариалдық куәландырылған ағылшын тіліндегі аудармасымен болуы тиіс:

Конкурсқа қатысу үшін үміткерлер келесі қадамдар реттілігін сақтауы қажет:

Барлық тіркелген үміткерлер өз конкурсқа қатысу өтінімінің статусы туралы Жеке кабинетте таныса алады. Төмендегі статустардың сипаттамасы үміткердің Жеке кабинетінде қойылу ретімен орналастырылған.

Application in processing. Үміткердің құжаттарыңы тексерістен өтуде екенін білдіретін аралық статус. Қабылдау комиссиясы өтінімді және құжаттарды тексеріп, келесі кезең туралы хабарлайды. Қорытынды шешім туралы ақпарат үміткердің электрондық поштасына жіберілетін болады.

Does not meet entry requirements. Үміткер бағдарламаның ең төменгі қабылдау талаптарына сәйкес келмейді. Бұл статус Университеттің Студенттерді оқуға қабылдау департаменті өтініш нысандарын және құжаттарды тексергеннен кейін қойылады.

Disqualified. Емтихандағы немесе байқаудағы өрескел бұзушылықтар үшін конкурстан шығарылған. Мысалы, ол қасақана жалған ақпарат берді.

Rejected by Admissions Committee. Конкурс кезеңдердің бірінде Қабылдау комиссиясы үміткерді бағдарламаға ұсынбауға шешім қабылдады.

Transfer to another program. Үміткердің өтінішін қарастыру кезінде Қабылдау комиссиясы үміткерді сол мектептегі басқа бағдарлама Қабылдау комиссиясының қарауына ұсынуға шешім қабылдады.

Pending. Үміткердің өтініші қаралуда.

Waiting list. Қабылдау комиссиясы үміткердің өтінішін қарауды аяқтап, оны күту тізіміне қою туралы шешім қабылдады. Мұндай үміткерлер Университеттен хабарлама күтуі керек, өйткені басқа үміткерлер оқудан бас тартса, оларға оқуға шақыру хаты жіберілуі мүмкін.

Recommended for admission to program. Қабылдау комиссиясы үміткерді бағдарламаға ұсынуға шешім қабылдады.

Recommended for conditional admission. Қабылдау комиссиясы үміткерді бағдарламаға шартты түрде ұсыну туралы шешім қабылдады. Үміткер көрсетілген мерзім ішінде қажетті құжаттарды тапсырып, шартты орындауы қажет.

Withdrawn. Конкурстан алып тастау туралы шешім қабылдаған үміткерлер.

Accepted Program admission offer. Статус оқуға шақыру хаттарын алған, келісімін берген және Университеттің ұсыным-хатындағы барлық шарттарын орындаған үміткерлерге қойылады

Refused admission offer. Үміткерді қабылдау ұсынылды, бірақ ол оқудан бас тартты.

Refused in favor of another NU program. Бірнеше жоғары оқу орнынан кейінгі бағдарламаға тапсырған үміткерлерге қатысты статус. Үміткер басқа бағдарламаны таңдау туралы шешім қабылдағанда қойылады.

Deferred. Үміткер бағдарламаға қабылданды, бірақ оқуын келесі жылға қалдыруға шешім қабылдады.

Did not submit the documents/Refused. Үміткер құжаттардың түпнұсқасын белгіленген уақытқа дейін тапсырмады, яғни Университетте білім алудан бас тартты.

Did not come to Orientation week/Refused. Үміткер оқу туралы ұсынысты қабылдады, құжаттарын тапсырды, бірақ бағдарлау аптасына қатыспады. Босатылған орынға күту тізіміндегі үміткерлерді шақыруға болады.

Enrolled to program. Үміткер Университетке негізгі бағдарламаға оқуға қабылданды. Статус Провосттың қабылдау туралы шешімі шыққаннан кейін қойылады.Үміткер ресми түрде студент болып саналады.