Неврология резидентура бағдарламасы

НУММ неврология резидентурасы бағдарламасы - бұл аурухана жағдайында және кез-келген денсаулық сақтау ұйымдарында жұмыс істей алатын невропатологтарды даярлауға бағытталған 4 жылдық бағдарлама. Бағдарлама резиденттерге процедураларды практикалық меңгерумен және дәлелді медицина мен клиникалық зерттеулерге ерекше назар аудара отырып, неврология бойынша іргелі дайындықты ұсынады. Бұл бағдарлама Жоғары медициналық білім беруді аккредиттеу жөніндегі кеңестің (ACGME) негізгі құзыретіне сәйкес оқытуды көздейді.

Бағдарлама резиденттерге негізгі құзыретті ұсынады және оларға профессор-оқытушылар құрамының мұқият бақылауымен әртүрлі клиникалық жағдайда неврологияны қолдануға мүмкіндік береді және қажет болған жағдайда оларды біліктілігін арттыруға дайындайды. Бұл бағдарламаның маңызды ерекшелігі - клиникалық және трансляциялық зерттеулер жүргізу және оларды академиялық мансапты жалғастыруға дайындау мүмкіндігі.

Бағдарламаның мақсаттары:

• Резиденттерді ACGME-нің негізгі алты құзыретіне сәйкес оқыту: 1) Пациенттерге күтім жасау дағдысы және процедуралық дағды; 2) Медициналық білім; 3) Практика негізінде оқыту және жетілдіру; 4) Тұлғааралық қарым-қатынас дағдысы; 5) Кәсібилік; 6) Жүйелі практика;
• Медицина докторы бағдарламасының түлектерін клиникалық және ғылыми қызметте өз білімі мен дағдысын қолдана алатын неврология саласындағы мамандар болуға дайындау;
• Қазақстан халқының қазіргі заманғы қажеттілігіне сай келетін невролог-мамандарды даярлау, оның ішінде ауылдық және қалалық жерлерде резиденттер ішкі аурулар бойынша 1 жылдық тәжірибеден өтеді, ал PGY2 кезінде неврология саласында 3 жылдық резидентураны бастайды.

Неврологиялық резидентура бағдарламасы аяқталғаннан кейін дәрігерлер мансаптық мүмкіндіктердің кең ауқымына жол ашады. Бұл нұсқаларды клиникалық практикаға, академиялық қызметке, ғылыми зерттеулерге және басқа да мамандандырылған бағыттарға бөлуге болады. Клиникалық практика әртүрлі стационарлар мен амбулаториялық-емханалық мекемелерде жүзеге асырылуы мүмкін. Бағдарлама аяқталғаннан кейін резиденттер Қазақстандағы қарапайым невропатологтың алдында тұрған көптеген клиникалық жағдайларда өз бетінше жұмыс істей алады деп күтілуде. Жоғары оқу орнынан кейінгі медициналық білім беру жағдайында бақылау мынадай мақсаттарды көздейді: жеке пациентке қауіпсіз және тиімді күтімді қамтамасыз ету; әрбір резиденттің дербес медициналық практика үшін қажетті дағдысын, білімі мен көзқарасын дамыту; үздіксіз кәсіби өсу үшін негіз құру. Бағдарлама шеңберінде әрбір резиденттің біліктілігін арттыру туралы шешімді резиденттің бағалауын және басқа да тиісті факторларды жыл сайынғы талдау негізінде клиникалық құзыреттілік комитеті (CCC) қабылдайды.

Бағдарлама бойынша оқыту нәтижелері. Неврология резидентурасы бағдарламасының соңында кандидаттар ACGME белгілеген келесі негізгі мақсатты көрсеткіштерді меңгергендігін көрсетуі тиіс:

1. Пациентке көмек көрсету және процедуралық дағдылар:

• Неврологиялық аурулары бар амбулаторлық және стационарлық пациенттерді өмір бойы бақылау, соның ішінде шұғыл және қарқынды терапияны қажет ететін пациенттерге көмек көрсету – PC1;
• Қарқынды терапия, жүйке-бұлшықет, амбулаторлық және нейродегенеративті көмек көрсету салаларында төменде көрсетілгендей, білім беру бағдарламасы барысында кемінде бес түрлі пациентті тексеру арқылы тәжірибе жинақтау: Неврологиялық ауруы бар ауыр жағдайдағы ересек пациент: қарқынды терапия бөлімшесінде, жедел жәрдем бөлімінде немесе стационардағы басқа бөлімшеден кеңес беру нәтижесінде – PC2;
• Жүйке-бұлшықет аурулары: стационарда не амбулаторлық жағдайда бола алатын жүйке-бұлшықет ауруы бар ересек пациент – PC3;
• Амбулаторлық жағдай: ұстама немесе мигрень сияқты эпизодтық бұзылысы бар ересек пациент – PC4;
• Нейродегенеративті: деменция, қимыл-қозғалыс бұзылысы немесе склероз сияқты нейродегенеративті ауруы бар ересек пациент – PC5.

2. Медициналық білім:

Резиденттер келесі салалар бойынша білімдерін көрсетуі керек:

• Ғылыми әдістер мен дәлелді шешім қабылдау тәсілдері – MK1;
• Диагностикалық және терапиялық процедуралардың көрсеткіштері, қарсы көрсеткіштері, әдістері, шектеулері, асқынулары және нәтижелерін интерпретациялау, сондай-ақ скринингтік тесттер мен процедуралардың көрсеткіштері және оларды қолдану – MK2;
• Неврология саласындағы клиникалық ғылымдардың негізгі жетістіктері – MK3;
• Фундаментальды ғылымдарды пациенттерге көмек көрсету барысында қолдану және клиникалық дағдылар емтихандарын тапсыру – MK4.

3. Практикаға негізделген оқыту және жетілдіру:

• Өз біліміндегі, кәсібилігіндегі мықты және әлсіз жақтарын анықтау – PBLI1;
• Тиісті білім беру іс-шараларын анықтау және жүзеге асыру – PBLI2;
• Күнделікті практикада қалыптастырушы кері байланысты қолдану – PBLI3;
• Пациенттердің жағдайларына қатысты ғылыми деректерді табу, бағалау және игеру;
• Пациенттерді, олардың отбасы мүшелерін, студенттерді, басқа резиденттер мен медицина қызметкерлеріне түсіндіру жұмыстарын жүргізу – PBLI5;
• Оқуға және кәсіби дамуға мақсаттар қою – PBLI6;
• Басқа резиденттер, медицина студенттері, медбикелер және басқа да қызметкерлер жұмысын қадағалау – PBLI7;
• Тәжірибені сапаны арттыру әдістерімен жүйелі түрде талдау және жақсартуға бағытталған өзгерістер енгізу – PBLI8;
• Ақпараттық технологияларды оқу процесін оңтайландыру үшін пайдалану – PBLI9.

4. Тұлғааралық қарым-қатынас дағдылары:

• Әртүрлі әлеуметтік-экономикалық және мәдени жағдайларда пациенттермен, олардың отбасыларымен және қоғаммен тиімді қарым-қатынас жасау – ICS1;
• Дәрігерлермен, басқа медицина қызметкерлерімен және денсаулық сақтау мекемелерімен тиімді байланыс орнату – ICS2;
• Медициналық топтың немесе кәсіби топтың мүшесі не жетекшісі ретінде тиімді жұмыс істеу – ICS3;
• Басқа дәрігерлер мен медицина қызметкерлеріне кеңесші ретінде әрекет ету – ICS4;
• Медициналық құжаттаманы толық, уақтылы және анық түрде жүргізу – ICS5.

5. Кәсібилік:

• Жанашырлық, адалдық және басқа адамдарға құрметпен қарау – P1;
• Пациент қажеттіліктерін жеке мүдделерден жоғары қою – P2;
• Пациенттің құпиялылығы мен дербестігін құрметтеу – P3;
• Пациенттер, қоғам және кәсіби орта алдында есепті болу – P4;
• Пациенттердің әртүрлілігін – жынысы, жасы, мәдениеті, ұлты, діні, мүгедектігі және жыныстық бағдарын ескере отырып – құрметтеу және ескеру – P5.

6. Жүйелік тәжірибе:

• Өздерінің клиникалық мамандығына сай әртүрлі медициналық мекемелер мен денсаулық сақтау жүйелерінде тиімді жұмыс істеу – SBP1;
• Денсаулық сақтау жүйесінде пациенттерге көрсетілетін көмекті үйлестіру – SBP2;
• Пациенттер мен халыққа медициналық көмек көрсету кезінде шығындар мен тәуекел-пайда арақатынасын ескеру – SBP3;
• Пациенттерге сапалы көмек көрсету мен күтім жүйелерін оңтайландыру үшін белсенділік таныту – SBP4;
• Пациент қауіпсіздігін арттыру және күтім сапасын жақсарту мақсатында көпсалалы топтарда жұмыс істеу – SBP5;
• Жүйелік қателіктерді анықтауға және оларды шешуге бағытталған жүйелік шешімдерді енгізуге қатысу – SBP6.

Осы оқу нәтижелері неврология саласындағы ACGME әзірлеген негізгі даму кезеңдеріне сәйкес келеді. Бұл кезеңдер – резиденттің барлық негізгі аспектілер, дағдылар және кәсіби құзыреттіліктер бойынша дамуын кешенді және ұзақмерзімді бағалауға арналған негіз болып табылады. Бағдарламаны сәтті аяқтағаннан кейін резиденттер осы барлық кезеңдер бойынша тиісті нәтижелер көрсете алатын болады.

Іс-шаралар мынадай ауруханалар мен орталықтарда өтетін болады:

1 ҚАДАМ. Жеке кабинетті құрыңыз

Жеке кабинетті құру үшін www.admissions.nu.edu.kz порталында тіркеліңіз. Жеке кабинетте берілген өтінім беру тәртібі туралы нұсқауларды оқыңыз.

2 ҚАДАМ. Өтінім формасын толтырып, қажетті құжаттарды тіркеңіз

Өтінім формасын толтырып, қажетті құжаттарды тіркеңіз:

1. Жеке куәліктің немесе төлқұжаттың сканерленген көшірмесі;

2. Жеке кабинеттегі үлгі бойынша қорытынды оқу үлгерімі туралы орта мектеп немесе жоғары оқу орны туралы аттестаттың (аттестат/диплом) сканерленген көшірмесі немесе мектептен анықтама (справка);

3. Ағылшын тіліндегі мотивациялық хат;

4. Сертификаттардың жарамды көшірмелері. Стандартталған тесттердің нәтижелері тест әкімшілері арқылы тікелей Университетке жіберілуі керек.

3 ҚАДАМ. Өтінім беру ақысын төлеңіз

Өтінім беру ақысы банк картасымен сіздің жеке кабинетіңіз арқылы онлайн режимінде төленеді.

Тіркелу жарнасы 10 000 теңгені құрайды. Тіркелу жарнасы өтінімдерді қабылдаудың бірінші бекітілген мерзімге дейін соңғы екі апта ішінде және өтінімдерді қабылдауды ұзарту кезеңінде төленген жағдайда төленетін сомадан 3 есе артады. Бұл сома қайтарылмайды.

4 ҚАДАМ. Тіркеу процесін аяқтаңыз

“Submit application” түймесін басу арқылы тіркеу процесін аяқтаңыз. Жіберілгеннен кейін үміткерлер өз өтінімдерін өзгерте алмайды.

5 ҚАДАМ. IELTS/TOEFL сертификаттарын жүктеп салыңыз

Жеке кабинетіңізде "Upload IELTS/TOEFL" секциясына IELTS/TOEFL сертификаттарын жүктеп, сертификат туралы қажетті ақпаратты толтырыңыз.

Одан арғы қадамдар

Өтініміңіздің статусы туралы білу үшін НУ Студенттерді қабылдау департаментінен және жеке кабинетіңізден келетін хабарландыруларды көру үшін электрондық поштаңызды тексеріңіз.

Тіркелу немесе онлайн өтінім беру кезінде қиындықтар туындаса, info_admissions@nu.edu.kz мекенжайына хабарласыңыз. Сұрауларыңызды жіберу кезінде ЖСН және/немесе өтінім берушінің ID нөмірін қолданыңыз.

Қазақстан Республикасының азаматтары мен шетелдік үміткерлер үшін резидентура бағдарламалаcына онлайн өтінім беру мерзімі 2025 жылғы 29 маусымы қоса алғанда (14:00 Астана уақыты бойынша).

Барлық тіркелген үміткерлер өз конкурсқа қатысу өтінімінің статусы туралы Жеке кабинетте таныса алады. Төмендегі статустардың сипаттамасы үміткердің Жеке кабинетінде қойылу ретімен орналастырылған.

Application in processing. Үміткердің құжаттарыңы тексерістен өтуде екенін білдіретін аралық статус. Қабылдау комиссиясы өтінімді және құжаттарды тексеріп, келесі кезең туралы хабарлайды. Қорытынды шешім туралы ақпарат үміткердің электрондық поштасына жіберілетін болады.

Does not meet entry requirements. Үміткер бағдарламаның ең төменгі қабылдау талаптарына сәйкес келмейді. Бұл статус Университеттің Студенттерді оқуға қабылдау департаменті өтініш нысандарын және құжаттарды тексергеннен кейін қойылады.

Disqualified. Емтихандағы немесе байқаудағы өрескел бұзушылықтар үшін конкурстан шығарылған. Мысалы, ол қасақана жалған ақпарат берді.

Rejected by Admissions Committee. Конкурс кезеңдердің бірінде Қабылдау комиссиясы үміткерді бағдарламаға ұсынбауға шешім қабылдады.

Transfer to another program. Үміткердің өтінішін қарастыру кезінде Қабылдау комиссиясы үміткерді сол мектептегі басқа бағдарлама Қабылдау комиссиясының қарауына ұсынуға шешім қабылдады.

Pending. Үміткердің өтініші қаралуда.

Waiting list. Қабылдау комиссиясы үміткердің өтінішін қарауды аяқтап, оны күту тізіміне қою туралы шешім қабылдады. Мұндай үміткерлер Университеттен хабарлама күтуі керек, өйткені басқа үміткерлер оқудан бас тартса, оларға оқуға шақыру хаты жіберілуі мүмкін.

Recommended for admission to program. Қабылдау комиссиясы үміткерді бағдарламаға ұсынуға шешім қабылдады.

Recommended for conditional admission. Қабылдау комиссиясы үміткерді бағдарламаға шартты түрде ұсыну туралы шешім қабылдады. Үміткер көрсетілген мерзім ішінде қажетті құжаттарды тапсырып, шартты орындауы қажет.

Withdrawn. Конкурстан алып тастау туралы шешім қабылдаған үміткерлер.

Accepted Program admission offer. Статус оқуға шақыру хаттарын алған, келісімін берген және Университеттің ұсыным-хатындағы барлық шарттарын орындаған үміткерлерге қойылады

Refused admission offer. Үміткерді қабылдау ұсынылды, бірақ ол оқудан бас тартты.

Refused in favor of another NU program. Бірнеше жоғары оқу орнынан кейінгі бағдарламаға тапсырған үміткерлерге қатысты статус. Үміткер басқа бағдарламаны таңдау туралы шешім қабылдағанда қойылады.

Deferred. Үміткер бағдарламаға қабылданды, бірақ оқуын келесі жылға қалдыруға шешім қабылдады.

Did not submit the documents/Refused. Үміткер құжаттардың түпнұсқасын белгіленген уақытқа дейін тапсырмады, яғни Университетте білім алудан бас тартты.

Did not come to Orientation week/Refused. Үміткер оқу туралы ұсынысты қабылдады, құжаттарын тапсырды, бірақ бағдарлау аптасына қатыспады. Босатылған орынға күту тізіміндегі үміткерлерді шақыруға болады.

Enrolled to program. Үміткер Университетке негізгі бағдарламаға оқуға қабылданды. Статус Провосттың қабылдау туралы шешімі шыққаннан кейін қойылады.Үміткер ресми түрде студент болып саналады.